Хабарҳо

Таҷлили Рўзи кормандони соҳаи тандурусти бахшида ба зодрўзи олими бузург ва барҷастаи тоҷик файласуф ва ҳаким Шайхурраис Абўали ибни Сино

“Ҳастӣ барои фоида расонидан ба дигарон аст, вагарна ин ҳастиро дар ботин инкор мебояд кард”. Ин ҳикматро бори аввал дар таърихи башарият орифони бузурги мо чун дастури ягонаи зиндагии бошарафонаи башарият тарғиб намудаанд. 

ИДИ КАСБИИ КОРМАНДОНИ ТИББИ ТОҶИКИСТОН, ҳар сол 18 август қайд карда мешавад. Бо қарори Раёсати Шӯрои Олии ҶТ аз 4 апрел. 1994 сол таҳти №229 тасдиқ карда шудааст. 18 август зодрӯзи олими бузурги тоҷик, файласуф ва ҳаким Абӯалӣ ибни Сино мебошад. Донишмандони гузаштаи мо тавассути эҷоду осори пурҳикматашон мардумро дар рӯҳияи инсондӯстию гуманизм тарбият менамуданд. Саҳми нобиғагони тоҷик дар ташаккули фарҳангу ахлоқи аҳли башар басо бузург аст. Намунаи барҷастаи ин гуна зиндагӣ ҳаёт ва фаъолияти яке саромадони табибони ҷаҳон, табиби маъруфу нотакрор Шайхурраис Абӯалӣ ибни Сино мебошад. Абӯалӣ ибни Сино умри пурбаракати худро пурра сарфи омӯхтани илм намуд. Ӯ дар муддати начандон зиёд тавонист асрори нуҳуфтаи илми тибро ошкор намояд ва барои табибони оянда роҳ кушояд. Имрӯз асарҳои гаронарзиши Сино дар маъруфтарин донишгоҳҳои дунё мавриди омӯзиши толибилмон қарор гирифтаанд.

pastedGraphic_1.png

Дар Ҷумҳурии Тоҷикистон ҳамасола санаи 18-уми август ҳамчун Рӯзи кормандони соҳаи тиб ботантана таҷлил мегардад. Хушбахтона, соли равон ин сана ба солгарди ҷашни фархундаи 30-солагии Истиқлолияти давлатии Ҷумҳурии Тоҷикистон мувофиқ омад.

Кормандони муассисаҳои тиббии љумњурї ин рӯзи воқеан таърихиро дар соли барои халқу миллат фаромӯшнопазир бо дастовардҳои баланди меҳнатӣ, ниятҳои нек ва руҳбаландии самимӣ таҷлил менамоянд. Онҳо баҳри беҳтар кардани сифати хизмати тиббӣ ва беҳдошти ҳифзи саломатии аҳолӣ меҳнати шоёни таҳсинро ба ҷо оварда, бо дастони шифобахш ва суханони нек ба мизоҷон тансиҳатӣ ва дарозумрӣ ҳадя менамоянд.

Пайваста қабул ва амалӣ шудани барномаву стратегияҳо ва санадҳои нави меъёрии ҳуқуқӣ вобаста ба соҳаи тандурустӣ аз таваҷҷӯҳи ҳамарӯзаи роҳбарияти кишвар, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шаҳодат медиҳад.

pastedGraphic_2.png

Вазорати тандурастї ва њифзи иљтимоии ањолии Љумњурии Тољикистон низ тибқи дастуру ҳидоятҳои Пешвои миллат пайваста кӯшиш ба харҷ медиҳад, ки мақому манзалати табибон дар сатҳи зарурӣ қарор дошта, дараҷаи хизматрасонӣ ба аҳолӣ баланд бардошта шавад.

Боиси зикр аст, ки кормандони соҳа, ки ворисони арзандаи гузаштагони пурифтихори худ мебошанд, бо осору истеъдоди фитриашон дар Тоҷикистон ва берун аз он эътироф шудаанд.

pastedGraphic_3.png

Итминони комил дорем, ки кормандони муассисаҳои тандурустии кишварамон дастовардҳои хешро муттасил афзун намуда, баҳри солимии ҳар сокини диёр ва ояндаи неки ӯ хизмати шоиста ба анҷом мерасонанд.

Бо ҳамин таманниёт Шумоён њамкасбон, табибони ҳозиқро ба муносибати иди касбиатон табрику таҳният намуда, дар ҳаёти шахсӣ бахту саодат, файзи рӯзгор ва дар анҷоми рисолати инсондӯстона комёбиҳои беназирро орзу менамоям.

Аз қаъри гили сияҳ то авҷи зуҳал,

Кардам ҳама мушкилоти гетиро ҳал.

Берун ҷастам зи банди ҳар макру ҳиял,

Ҳар банд кушода шуд магар банди аҷал.